Türkiyə Prezidenti ilə Pakistan Baş Naziri arasında telefon danışığı olub

Türkiyə Respublikasının Prezidenti Rəcəb Tayyib Ərdoğan ilə Pakistan İslam Respublikasının Baş Naziri İmran Xan arasında telefon danışığı olub.

NUHÇIXAN İnformasiya Agentliyi Türkiyə Prezident Administrasiyasının rəsmi internet saytına istinadla xəbər verir ki, Türkiyə dövlət başçısına zəng edən Pakistan lideri İzmirdəki dağıdıcı zəlzələyə görə “keçmiş olsun”-deyib və həmrəylik ifadə edib.

Telefon zənginə və diqqətə görə təşəkkürlərini ifadə edən Prezident Rəcəb Tayyib Ərdoğan da öz növbəsində ötən həftə Peşavərdə törədilən terror aktını bir daha qınayıb, dünyasını dəyişənlərə rəhmət diləyib.