Erməni siyasi xadim: “Köçəryan hava həyəcanının səsini eşidərək əşyalarını qoydu və qaçaraq stolun altında gizləndi”
“Bu gün parlamentdə Andranik Köçəryanın alfa (omeqa yox, alfa) insanı duruşunda şəxsən mənim və bizim strukturumuz haqqında necə danışdığını dinlədiyimdə istər-istəməz gözümün qarşısına müharibə zamanı Xankəndinin “Armenia” otelində gördüyüm gəlirdi”.
NUHÇIXAN İnformasiya Agentliyi xəbər verir ki, bunu erməni siyasi xadim Hayk Mamicanyan “Facebook” səhifəsində yazıb.
“Abırsız oteldən getməyə hazırlaşırdı, lakin hava həyəcanının səsini eşidərək foyenin ortasında əşyalarını qoydu və qaçaraq resepşn stolunun altında gizləndi”, - deyə o qeyd edib.