“Türk Hava Yolları” aviaşirkəti İsrail uçuşlarını müvəqqəti dayandırır
“Türk Hava Yolları” aviaşirkəti (THY) yanvarın 26-dan 31-dək İsrail səfərlərinin müvəqqəti dayandırılması ilə bağlı qərar qəbul edib.
NUHÇIXAN İnformasiya Agentliyi xəbər verir ki, bununla bağlı şirkətin rəsmi sosial media hesabında bildirilib.
Məlumatda bu istiqamətdə bileti olan sərnişinlərin THY-nin ofislərinə və ya satış mərkəzlərinə müraciət etmələri xahiş olunur.
Səfərlərin dayandırılması səbəbləri ilə bağlı açıqlama verilməyib.