İkinci Qarabağ müharibəsində əlil olan ermənilərlə bağlı məlumat qismən açıqlanıb

Ötən ilin 27 sentyabrından Ermənistanda ikinci Qarabağ müharibəsində iştirak edən 457 nəfər əlilliyin müəyyən olunması üçün müvafiq orqanlara müraciət edərək müayinədən keçib.

NUHÇIXAN İnformasiya Agentliyi Ermənistan mətbuatına istinadən xəbər verir ki, bu barədə ölkənin Əmək və Sosial Məsələləri Nazirliyi məlumat yayıb.

Qeyd edilir ki, onlardan 368-i əlil kimi qeydiyyata alınıb.

"65 nəfər birinci qrup, 119 insan ikinci, 184 nəfər üçüncü qrup əlillik alıb”, - nazirlikdə bildirilib.

Cari ilin 10 fevralına qədər 66 nəfərin yuxarı və aşağı ətrafların protezlənməsinə ehtiyac var", - məlumatda əlavə olunur.

Qeyd edək ki, Ermənistanın Müdafiə Nazirliyi ikinci Qarabağ müharibəsində məhv edilən və ya xəsarət alan hərbçilərin sayını hələ açıqlamayıb.