“Microsoft” korporasiyası “iPadOS” planşeti üçün “Office” proqramını təqdim edib

“Microsoft” şirkəti “Apple”ın planşetləri üçün universal “Office” proqramını təqdim edib. “Word”, “Excel” və “PowerPoint”i özündə birləşdirən yeni versiya “iPadOS” üçün tamamilə optimallaşdırılıb, bölünmüş ekran (Split View) rejimini, həmçinin klaviatura və “maus”u dəstəkləyir.

NUHÇIXAN İnformasiya Agentliyi xarici saytlara istinadla xəbər verir ki, yenilənmiş “Office” indi “iPadOS” üçün universal proqramdır. Bir neçə yeni alət əlçatan olub: istifadəçilər PDF faylları yarada və imzalaya, şəkilləri mətn və cədvəllərə çevirə, həmçinin “Paylaşmaq” menyusundakı sənədləri tez bir şəkildə redaktə edə bilərlər.

“Office” mobil proqramının yeni versiyası artıq “App Store” mağazasında əlçatandır.