Paris Məhkəməsi Fransanın sabiq prezidenti Nikola Sarkozini korrupsiya ittihamı üzrə təqsirli bilib.
NUHÇIXAN İnformasiya Agentliyi BFM telekanalına istinadla xəbər verir ki, Sarkozi 3 il müddətinə həbs cəzasına məhkum edilib. Bunun bir ili real həbs cəzası, iki ili isə şərti cəzadır. Prokurorluq Sarkozi üçün 4 il həbs cəzası istəmişdi.
2007-2012-ci illərdə Fransa prezidenti olan Sarkozi məhkəmənin gedişində bütün ittihamları rədd edib. Bu, ölkənin müasir tarixində eks prezidentin müttəhimlər kürsüsündə əyləşdiyi ilk məhkəmə prosesidir.