Türkiyədə baş vermiş zəncirvari yol qəzası nəticəsində ölən və yaralananlar var
NUHÇIXAN İnformasiya Agentliyi xəbər verir ki, Türkiyənin Bursa vilayətinin Kestel rayonunda, Bursa-Ankara magistralında zəncirvari avtomobil qəzası baş verib.
Sürət həddini aşan və əyləcində nasazlıq yaranan qoşqulu yük maşını yolun əks istiqamətinə keçərək təxminən 20 avtomobillə toqquşub.
İlkin məlumata əsasən, qəza nəticəsində üç nəfər həlak olub, iyirmidən çox yaralı var.
Bölgəyə təcili tibbi briqadalar və xilasedici qruplar cəlb olunub.