"Virgin Galactic" yeni kosmik təyyarəsini təqdim edib - VİDEO
İngilis milyarderi Riçard Brensonun "Virgin Galactic" şirkəti yeni "Imagine" (SpaceShip III seriyası) kosmik təyyarəsinin təqdimatını keçirib.
NUHÇIXAN İnformasiya Agentliyi TASS-a istinadən xəbər verir ki, yeni kosmik aparat istismar baxımından uçuş tezliklərinə görə əvvəlki modellərdən daha mükəmməldir. Şirkət əməkdaşlarının yaxın gələcəkdə "Imagine" təyyarəsinin sınaqlarına başlayacağı gözlənilir və o, bu yay Nyu Meksiko ştatının ərazisindən havaya qaldırılmalıdır. "Virgin Galactic" hazırda bu seriyanın "İnspire" adlı ikinci kosmik gəmisi üzərində də işləri davam etdirir.
Xatırladaq ki, "Virgin Galactic" tərəfindən hazırlanan kosmik təyyarələri müntəzəm turizm suborbital uçuşlar üçün nəzərdə tutulub.