Türkiyədə COVID-19-a qarşı anticisimlə ilk körpə dünyaya gəlib

Hamiləliyinin 29 və 33-cü həftələrində COVID-19-a qarşı peyvənd olan türkiyəli Zeynep Aslı Kaplanın övladı insan bədəninin virusla mübarizə üçün istehsal etdiyi xüsusi zülal - anticisimlə doğulub.

NUHÇIXAN İnformasiya Agentliyi xəbər verir ki, bununla da hazırda 20 günlük olan Aras Türkiyədə anticisimlə doğulan ilk körpə olub.

Nə hamiləlik dövründə, nə də uşaq doğulduqdan sonra heç bir problemlə üzləşmədiklərini bildirən ana övladının qan təhlillərində anticisimlərin müəyyən olunduğunu bildirib.

Qeyd edək ki, mütəxəssislər ana südü ilə bəslənən yeni doğulanlarda ilk altı ay ərzində xəstəliyə qarşı qoruma təbəqəsinin yarandığını bildirirlər.