Koçaryan və daşnaklar Paşinyana qarşı birləşdilər
Ermənistanın sabiq prezidenti Robert Koçaryan, "Daşnaksütyun" və "Dirçələn Ermənistan" partiyalarının rəhbərləri seçkiqabağı blokun yaradılması ilə bağlı memorandum imzalayıblar.
NUHÇIXAN İnformasiya Agentliyi “RİA Novosti”yə istinadən xəbər verir ki, blokun təqdimatı dünən İrəvanda Koçaryana qoşulan siyasi qüvvələrin mitinqində baş verib.
Siyasi bloka "Ermənistan" adı verilib. Nikol Paşinyana qarşı birləşən qüvvələr iyun ayında keçiriləcək parlament seçkilərində iştirak etmək qərarına gəliblər. Yeni yaradılan partiyalar blokuna R.Koçaryan rəhbərlik edəcək.
Qeyd edək ki, "Dirçələn Ermənistan" partiyasını Sünik (Zəngəzur red.) bölgəsinin keçmiş qubernatoru Vahe Akopyan ikinci Qarabağ müharibəsindən sonra təsis edib.