“Ermənistan biabırçı, rüsvayçı vəziyyətdədir” - Etiraflar

Ölkə utancverici, rüsvayçı, rəzil bir vəziyyətdədir, ancaq xainin biri Ermənistanda fövqəladə seçkilər tətbiq edib və bu məsələdə də birləşmiş müxalifətin günahı var. NUHÇIXAN İnformasiya Agentliyi Ermənistana məxsus armenianreport.com saytında yayımlanan məlumata istinadən xəbər verir ki, bu barədə Ermənistan Respublika Partiyasının sədr müavini Armen Aşotyan özünün "Facebook" səhifəsində yazıb.

Aşotyan ölkə vətəndaşlarını, elementar normanı, ədəbi və şərəfi də olsa qorumağa çağırıb.

“Bu gün mənim xəbərdarlıq etdiyim şeylər baş verir. Bu vəziyyətdə Ermənistanda seçki keçirmək mümkün deyildi. Hazırki baş nazirliyin dövründə seçkilərə getmək mümkün deyildi. Təəssüf ki, bizim olanımız elə bundan ibarətdir. Ən vacib sual odur ki, ölkənin son məhvindən əvvəl kapitulyatoru atmağa vaxtımız olacaq, yoxsa yox? Hörmətli insanlar, bu vəziyyətdə ən azından elementar bir normanı, ədəbi və şərəfi də olsa qoruyaq. Seçki bəhanəsi ilə birlikdə getdiyimiz yoldan sonra bizi yenidən parçalamağa çalışırlar”, deyə partiyanın sədr müavini Aşotyan bildirib.

Daha sonra o insanlara seçkilərdə fəal iştirak etmək çağırışı edib.

“Unutmayın ki, bir neçə il və ya ay əvvəl bütün həqiqi müxalifətçilərlə bir yerdə idik. Əsas ləyaqət həddini aşmayın. Təəssüf ki, müxalifət və ya başqa hansısa bir qüvvə təkbaşına seçkidə qazana bilməz. Yenidən birlik olmaq üçün yer saxlayıb. 20 iyundan sonra 21 iyun və digər bir çox günlər olacaq. Bugünkü fırıldaqçılar kobud, təzə qırışlar və acı bir iz buraxa bilərlər. Əsas hədəfimizi unutmayın ki, o da Nikolsuz Ermənistandır, ya da Nikoldan sonrakı Ermənistan!”,- deyə müxalifətçi sözünü tamamlayıb.

Xatırladaq ki, Ermənistan tərəfinin təxribatlarının nəticəsində başlayan və 44 gün davam edən müharibə işğalçı ölkənin biabırçı məğlubiyyəti, 10 noyabr tarixində Nikol Paşinyanın kapitulyasiya, təslim sənədini imzalaması ilə nəticələnib və ölkə vətəndaşları bunun müqabilində onun istefası tələbi ilə mütəmadi olaraq etiraz aksiyaları, mitinqlər təşkil ediblər. Vəziyyətdən çıxmaq üçün Paşinyan növbədənkənar seçki keçirmək qərarı ilə erməni cəmiyyətini sakitləşdirməyə çalışıb. İndi Ermənistan vətəndaşları 20 iyun tarixində seçkilərdə iştirak etməli, öz seçimini etməlidirlər, amma bir çox siyasətçilər hələ də bu seçkilərin yersiz olduğu qənaətindədirlər və birmənalı olaraq Nikol Paşinyanı tarixin zibilliyinə atmaq niyyətlərini gizlətmirlər. Hər bir halda seçkilərdə daha böyük mübahisələrin, qarşıdurmaların, toqquşmaların, hətta vətəndaş müharibəsinin belə olma ehtimalı danılmazdır.