Ağ Ev Baydenin Ərdoğanla görüşəcəyini təsdiq edib
ABŞ Prezidenti Cozef Bayden iyunun 14-ü NATO sammiti çərçivəsində Türkiyə Prezidenti Rəcəb Tayyib Ərdoğanla görüşəcək.
NUHÇIXAN İnformasiya Agentliyinin məlumatına görə, bu barədə Ağ Evin mətbuat xidmətindən bildiriblər.
Məlumata əsasən, tərəflər görüş zamanı ikitərəfli və regional məsələləri müzakirə edəcəklər.
Bildirilir ki, C.Bayden növbəti həftə Böyük Britaniya, Belçika və İsveçrəyə baş tutacaq səfəri çərçivəsində bir sıra dövlət və hökumət başçısı ilə də görüşəcək.