Paşinyan Bəşər Əsədə yardım təklif edib - VİDEO
Ermənistanın baş naziri səlahiyyətlərini icra edən Nikol Paşinyan Suriya prezidenti seçilməsi münasibəti ilə Bəşər Əsədə təbrik məktubu göndərib.
NUHÇIXAN İnformasiya Agentliyi xəbər verir ki, bu barədə “Haber Global” məlumat yayıb.
Məktubda ən ironik məqam Azərbaycan Silahlı Qüvvələri qarşısında aciz qalan, öz ölkəsindəki xaosu aradan qaldırmaqda çətinlik çəkən Paşinyanın Əsədə yardım təklif etməsi olub.
Həmçinin məktubda bildirilib ki, Ermənistan bundan sonra da Suriyadakı böhranın aradan qaldırılması üçün səylərini davam etdirəcək.
Qeyd edək ki, mayın 26-da Suriyada keçirilən prezident seçkilərində Bəşər Əsədin 95% səslə qalib gəldiyi elan olunub.