Ankarada Türkiyə-Qırğızıstan əlaqələrinin inkişaf yolları müzakirə olunub

Qırğız Respublikasının Prezidenti Sadır Japarov Türkiyə Respublikasına səfər edib.

NUHÇIXAN İnformasiya Agentliyi xəbər verir ki, Ankarada Türkiyə Prezident Administrasiyasında Türkiyə Prezidenti Rəcəb Tayyib Ərdoğan ilə Qırğızıstan Prezidenti Sadır Japarov arasında təkbətək, sonra isə heyətlərarası görüş keçirilib.

Türkiyə ilə Qırğızıstan arasında əməkdaşlıq sənədləri imzalanandan sonra Yüksək Səviyyəli Strateji Əməkdaşlıq Şurasının 5-ci iclası keçirilib.

Prezidentlər birgə mətbuat konfransında ifadə ediblər ki, keçirilən görüşlərdə Türkiyə-Qırğızıstan münasibətlərinin inkişaf istiqamətləri, qarşılıqlı maraq doğuran məsələlər müzakirə olunub.

Qırğız Respublikasının müstəqilliyinin 30-cu ildönümünü təbrik edən Prezident Rəcəb Tayyib Ərdoğan bildirib ki, Türkiyə bu bağımsızlığı ilk tanıyan ölkə olub.

Prezident Sadır Japarov diqqətə çatdırıb ki, səfər çərçivəsində Türkiyə sərmayəsinin Qırğızıstana cəlb olunması ciddi şəkildə müzakirə olunub.