Ermənistan parlamentində baş nazir vəzifəsinə Paşinyanın namizədliyi irəli sürülüb

Ermənistanda yeni seçilmiş parlamentin ilk iclasında "Vətəndaş müqaviləsi" partiyası Nikol Paşinyanın baş nazir vəzifəsinə namizədliyini irəli sürüb.

NUHÇIXAN İnformasiya Agentliyi erməni KİV-nə istinadən xəbər verir ki, hazırda baş nazir vəzifələrini icra edən N.Paşinyanın namizədliyi parlament çoxluğu tərəfindən dəstəklənib.

Ermənistan qanunvericiliyinə əsasən, ölkə prezidenti çoxluq tərəfindən dəstəklənən namizədi baş nazir elan etməlidir.

Bundan sonra 15 gün müddətində yeni hökumət formalaşdırılacaq.