“Hraparak”: Nikol Paşinyana terror hazırlanır?

Ermənistan Milli Assambleyasının yeni rəhbərliyi parlament müxbirləri və mətbuat nümayəndələri üçün təzə qaydalar tətbiq edib.

NUHÇIXAN İnformasiya Agentliyi erməni mediasına istinadən xəbər verir ki, bundan sonra deputatların kabinetinə düşmək üçün jurnalistlər ayrıca buraxılış vərəqləri almalı olacaqlar. Lakin burada belə məhdudiyyətlər gözə çarpır. Belə ki, parlamentin iclas günlərində həmin buraxılışların verilməsi qadağan olunub.

Bu ilin sentyabr ayından etibarən isə parlamentin girişində jurnalistlər üçün ayrıca bölmə açılacaq. Mətbuat nümayəndələri bunu media mənsublarının hərəkət və istədikləri deputatdan müsahibə götürmək azadlığının yox edilməsi kimi dəyərləndiriblər. Bundan başqa deputatlara iclas zalına daxil olmaq üçün ayrıca çip kartlar veriləcək.

Erməni “Hraparak” qəzeti yeni qaydaların Milli təhlükəsizlik xidmətinin israrı ilə qəbul olunduğunu yazdırıb. Təhlükəsizlik qurumu baş nazir Nikol Paşinyana terror aktı törədilə biləcəyi barədə əllərində məlumat olduğunu bldirib. Bütün bu tədbirlər də onun qarşısını almaq üçünmüş.