Türkiyə hərbçilərini Əfqanıstandan təxliyə edən təyyarə Ankaraya enib

Türkiyə Silahlı Qüvvələrinin Əfqanıstanda sülhməramlı missiya həyata keçirən hərbçilərinin təxliyəsinə başlanılıb.

NUHÇIXAN İnformasiya Agentliyi xəbər verir ki, avqustun 26-da hərbçiləri daşıyan ilk təyyarə yerli vaxtla 11:45-də Ankaranın Esenboğa Beynəlxalq Hava Limanına enib. Bildirilir ki, bu təyyarə ilə 345 hərbçi Əfqanıstandan təxliyə olunub.

Qeyd edək ki, Türkiyə hökuməti Əfqanıstandakı mövcud vəziyyəti və şərtləri dəyərləndirərək Türkiyə Silahlı Qüvvələrinin bu ölkədə olan hərbi qulluqçularının təxliyəsinə qərar verib.