Vladimir Putin ilə Angela Merkelin görüşündə ikitərəfli və regional məsələlər müzakirə olunub
Rusiya Prezidenti Vladimir Putin ilə Almaniya Kansleri Angela Merkel arasında görüş keçirilib.
NUHÇIXAN TASS agentliyinə istinadla xəbər verir ki, müzakirələr üç saat davam edib. Görüşdən əvvəl mətbuata bəyanatlarla çıxış edən A.Merkel və V.Putin qeyd ediblər ki, işçi nahar formatında keçiriləcək görüşdə ikitərəfli və regional məsələlərlə bağlı fikir mübadiləsi aparacaqlar. Həmçinin bildirilib ki, söhbət zamanı Suriya məsələsi, Ukrayna böhranının həlli yolları, “Şimal axını-2” layihəsi, İranın nüvə proqramı üzrə saziş ətrafındakı vəziyyət müzakirə olunacaq.