Nikol Paşinyan: Regionda bütün kommunikasiya və nəqliyyat dəhlizlərinin açılmasının tərəfdarıyıq
Region ölkələrinin və cəmiyyətlərin təcridini yüngülləşdirəcək, yalnız dinc və yanaşı yaşamağa şərait yaradacaq layihələr, bölgədəki kommunikasiyaların blokdan çıxarılması ssenariləri hazırlanmalıdır.
NUHÇIXAN İnformasiya Agentliyi Ermənistan mətbuatına istinadla xəbər verir ki, bu sözləri Ermənistanın baş naziri Nikol Paşinyan litvalı həmkarı İnqrida Simonyte ilə görüşdən sonra söyləyib.
Regionda bütün kommunikasıya və nəqliyyat dəhlizlərinin açılmasının tərəfdarı olduğunu vurğulayan Paşinyan deyib: "Biz ardıcıl olaraq bütün məsələləri həll edərkən fikirlərimizi ictimaiyyətə detallarla çatdırmalıyıq. Bu istiqamətdə regional əlaqələrin qurulması çox vacibdir. Kommunikasiyaların və yolların açılması üçün təsirli ssenarilər hazırlanmalıdır”.