Qlobal çip çatışmazlığı səbəbindən “Apple” şirkətinin səhmləri ucuzlaşıb

Qlobal kompüter çipi çatışmazlığı səbəbindən “iPhone 13” mobil telefonlarının istehsal hədəflərinin aşağı salınacağı xəbərlərindən sonra “Apple” şirkətinin səhmləri ucuzlaşıb.

NUHÇIXAN İnformasiya Agentliyi “Bloomberg”ə istinadən xəbər verir ki, elektron nəhənginin 2021-ci ilin son rübündə 90 milyon “iPhone” istehsal etməsi gözlənilirdi. “Apple” isə ortaqlarına son açıqlamasında gözləniləndən 10 milyon daha az istehsal olacağını bildirib. Bundan sonra şirkətin səhmləri 1,2 faiz ucuzlaşıb.