Türkiyədə yol qəzasında qırx tələbə yaralanıb

377

Türkiyənin Nevşəhr vilayətinin Hacıbektaş rayonunda ağır yol-nəqliyyat hadisəsi baş verib.

NUHÇIXAN İnformasiya Agentliyi “TRT Haber” telekanalına istinadla xəbər verir ki, hadisə nəticəsində ölkənin 81 vilayətindən olan qırx tələbə müxtəlif dərəcəli xəsarət alıb. Bildirilir ki, Gümüşkent kəndi yaxınlığında hərəkət edən avtobus qəflətən yola çıxan evakuatorla toqquşub. Bu vaxt arxadan gələn avtobusun sürücüsü qəza edən maşınlara çırpılmamaq üçün sükanı yolun kənarına döndərib və aşma hadisəsi baş verib. Qəza edən avtobusdakı tələbələr Hacı Bektaş Vəlinin vəfatının 750-ci ildönümü ilə əlaqədar Hırka dağının zirvəsinə təşkil edilən yürüşə qatılmaq üçün səfərdə olublar.

Bəzi məlumatlara görə, xəsarət alanların sayı 25 nəfərdir. Bildirilir ki, yaralılar yaxın bölgələrdəki xəstəxanalara yerləşdiriliblər.

Digər xəbərlər

Xəbərin mətnində orfoqrafik səhv var

Seçilən mətn düzəliş üçün göndəriləcək: