“Dubay Ekspo 2020” sərgisində Birləşmiş Ərəb Əmirliklərinin Milli Günü tədbirləri keçirilir

“Dubay Ekspo 2020” sərgisində Birləşmiş Ərəb Əmirliklərinin (BƏƏ) Milli Günü münasibətilə tədbirlər keçirilir.

NUHÇIXAN İnformasiya Agentliyi xəbər verir ki, BƏƏ-nin elan olunmasının 50 illiyi münasibətilə keçirilən tədbirlərdə 191 ölkənin, o cümlədən Azərbaycanın pavilyonuna gələn ziyarətçilər iştirak edirlər. Axşam saatlarında Əl Vasl Palasda keçirilən təntənəli bayram tədbirində dünyanın müxtəlif ölkələrini təmsil edən incəsənət ustaları çıxış ediblər. Mərasimdən sonra atəşfəşanlıq olub.

BƏƏ-nin 50 illik yubileyi tədbirləri paytaxt Əbu-Dabi və ölkənin digər şəhərlərində təntənəli şəkildə qeyd olunub.