ABŞ-da 5G-nin təhlükəsi barədə xəbərdarlıq edilib

5G rabitəsinin nasazlığı təyyarədəki avadanlıqlara mənfi təsir göstərə bilər və mülki aviasiyada təhlükəsizlik riski yarada bilər.

NUHÇIXAN İnformasiya Agentliyinin məlumatına görə, bu barədə "Reuters" agentliyi xəbər verib.

Federal Mülki Aviasiya İdarəsinin (FAA) mütəxəssisləri aviadaşıyıcıları və telekommunikasiya operatorlarını beşinci nəsil standartın potensial təhlükələri barədə xəbərdar edib. Mütəxəssislər 5G rabitəsindəki nasazlıqlar radio hündürlükölçənlər kimi təyyarələrdə kritik avadanlıqlara təsir edə biləcəyi ilə bağlı narahatlıqları ifadə ediblər.

FAA yeni rabitə standartının təsirini nəzərə almaq üçün təyyarələr və helikopterlər üçün uçuş təlimatlarına yenidən baxılmasını tövsiyə edib.