Ermənistan əhalisi ötənilkindən daha pis yaşayacaq

“Ermənistan vətəndaşları 2022-ci ilin dövlət büdcəsinə görə gələn il builkindən də pis vəziyyətdə yaşayacaqlar”.

NUHÇIXAN İnformasiya Agentliyi “Aysor”a istinadən xəbər verir ki, bunu iqtisadçı, Ermənistan parlamentindəki “Ermənistan” fraksiyasının üzvü, deputat Tadevos Avetisyan gələn ilin dövlət büdəcəsindən danışarkən bildirib.

Onun sözlərinə görə, 2022-ci il yanvarın 1-dən dövlət məmurlarının aylıq əməkhaqlarının baza hissəsi artmayıb: “585 min təqaüdçü, 485 min sosial güzəştlilərin aldıqları vəsait də, gələnilki büdcə də artmayıb”.

Onun sözlərinə görə, 2019-cu illə müqayisədə yoxsulluq 0,6 faiz artmışdısa, bu, 2021-ci ildə sürətlənib, 2022-ci ildə isə bu temp saxlanılacaq.