Nazir Mövlud Çavuşoğlu: Türkiyə və Ermənistanın xüsusi nümayəndələrinin ilk görüşü yanvarda ola bilər

Türkiyənin Ermənistan üzrə xüsusi nümayəndəsi ilə Ermənistanın Türkiyə üzrə nümayəndəsi arasında ilk görüşün 2022-ci ilin yanvarında baş tutması gözlənilir.

NUHÇIXAN İnformasiya Agentliyi Anadolu Agentliyinə istinadla xəbər verir ki, bu barədə Türkiyənin xarici işlər naziri Mövlud Çavuşoğlu məlumat verib.

Nazir Mövlud Çavuşoğlu bir neçə gün əvvəl bildirmişdi ki, Ermənistanın arzusu ilə bu görüşün Moskvada keçiriləcəyi nəzərdə tutulub.

Qeyd edək ki, Türkiyə tərəfi təcrübəli diplomat səfir Sərdar Kılıçı Ermənistan üzrə xüsusi nümayəndə təyin edib. Qarşı tərəfin Türkiyə üzrə təyin etdiyi xüsusi nümayəndə isə Ermənistan parlamentinin sədr müavini Ruben Rubinyandır.