Türkiyə Qara dənizdə yeni yataqlar kəşf etdiyini açıqlayıb
Qara dənizdə əvvəllər kəşf olunmamış ərazidə qazma kəşfiyyat işlərinə hazırlıq gedir.
NUHÇIXAN İnformasiya Agentliyinin məlumatına görə, bu barədə energetika və təbii sərvətlər naziri Fatih Dönməz bildirib.
Onun sözlərinə görə, Qara dənizin dibindən gələn qazın 2023-cü ilin birinci rübündə Türkiyədəki istifadəçilərə çatması gözlənilir:
"Qara dənizdə Sakarya yatağına bitişik ərazidə qazma kəşfiyyat işlərinə hazırlıq gedir. Ümid edirəm ki, 2022-ci ildə xalqa daha bir şad xəbəri çatdıra bilərik".
Qeyd edək ki, "Fatih" qazma gəmisi indiyədək Qara dənizdə 540 milyard kubmetr təbii qaz ehtiyatı aşkar edib.