Ermənistan prezidentinin səlahiyyətlərini müvəqqəti olaraq parlamentin sədri icra edəcək

Ermənistanın sabiq prezidenti Armen Sarkisyanın səlahiyyətlərini müvəqqəti olaraq parlamentin sədri Alen Simonyan icra edəcək.

NUHÇIXAN İnformasiya Agentliyi xəbər verir ki, vitse-spiker Akop Arşakyan isə hələlik spikerin vəzifələrini yerinə yetirəcək.

Qeyd edək ki, Armen Sarkisyan yanvarın 23-də istefa verdiyini bəyan edib. Bir həftə ərzində o, istefa ərizəsini geri götürməyib.

Fevralın 1-də Ermənistan parlamentinin sədri Alen Simonyan prezident Armen Sarkisyanın səlahiyyətlərinin dayandırılması ilə bağlı protokolu imzalayıb.

Yeni prezident qanunverici orqanda seçiləcək. Bunun üçün deputatların minimum 25, maksimum 35 gün vaxtı var.