BMT Ukraynada ölən dinc sakinlərin sayını açıqlayıb

Rusiyanın hərbi müdaxiləsi nəticəsində fevralın 24-dən martın 4-dək Ukraynada 350-dən çox dinc sakin həlak olub, daha 707 nəfər yaralanıb.

NUHÇIXAN İnformasiya Agentliyi xəbər verir ki, məlumatları BMT-nin İnsan Haqları üzrə Ali Komissarlığının İdarəsi yayıb.

Qeyd olunub ki, ölənlərin 28-i uşaqdır.

Yerli sakinlər əsasən Rusiya ordusu tərəfindən atılan partlayıcı silahlar, o cümlədən ağır artilleriya və çoxsaylı raket hücumları, həmçinin raket və hava zərbələri nəticəsində vəfat edib.

Xatırladaq ki, martın 3-də Rusiya hərbçilərinin yaşayış məntəqələrinə endirdiyi aviazərbələr nəticəsində Çerniqovda azı 47 nəfər həlak olub.

Elə həmin gün Haaqadakı beynəlxalq tribunal Rusiyanın Ukraynaya təcavüzü nəticəsində hərbi cinayətlər və insanlığa qarşı cinayətlərlə bağlı araşdırmaya başlayıb.