Ukraynada öldürülən jurnalist "New York Times"ın müxbiri deyil
Ukraynada həyatını itirən amerikalı jurnalist Brent Reno “The New York Times” qəzetində işləmir.
NUHÇIXAN İnformasiya Agentliyi xəbər verir ki, bu barədə nəşrin nümayəndəsi Kliff Levi tviterdə məlumat verib.
“Amerikalı jurnalist Brent Renonun Ukraynada vəfatı xəbərindən çox kədərləndik. Brent istedadlı fotoqraf və kinorejissor idi, lakin o, “New York Times” qəzeti tərəfindən Ukraynaya ezamiyyətə göndərilməyib”, - o yazıb.
Onun sözlərinə görə, təqdim edilən akkreditasiya kartı uzun illər əvvəl Renoya verilib.