“Bayraktar”ın Rusiya ordusuna vurduğu ziyan

Türkiyə istehsalı olan “Bayraktar” zərbə PUA-larının Rusiya Silahlı Qüvvələrinin arsenalına vurduğu ziyanın məbləği açıqlanıb.

NUHÇIXAN İnformasiya Agentliyi xəbər verir ki, bu barədə “Clash Report” hərbi portalı məlumat yayıb.

Hesablamalara görə, fevralın 24-dən bəri “Bayraktar” TB2 Ukraynadakı döyüşlərdə Rusiyanın ümumi dəyəri 600 milyon dollar olan texnikalarını məhv edib.

Belə ki, müharibə zamanı 5 ədəd 152 mm-lik haubitsa, 1 ədəd 220 mm-lik “Uraqan”, 1 ədəd rabitə stansiyası, 2 ədəd komanda postu, 2 ədəd desantın döyüş maşını (DDM-2), 2 ədəd logistika qatarı, 6 ədəd “Buk M1/2”, 1 ədəd “Pantsir-S1”, 2 ədəd “Tor-M1/2”, 9 ədəd KamAZ, 5 ədəd “Ural-4320” və 10 ədəd naməlum nəqliyyat vasitələri “Bayraktar” PUA-ları tərəfindən məhv edilib.