Türkiyə və Rusiya Cənubi Qafqazda sabitlik üçün birlikdə çalışmaq barədə razılığa gəlib

“Cənubi Qafqazda sabitlik üçün birlikdə çalışmaq barədə qərar verdik”.

NUHÇIXAN İnformasiya Agentliyi xəbər verir ki, bunu Türkiyənin xarici işlər naziri Mövlud Çavuşoğlu rusiyalı həmkarı Sergey Lavrovla görüşdən sonra keçirilən mətbuat konfransında deyib.

“Bildyiniz kimi, Türkiyə ilə Ermənistan arasında diplomatik əlaqələrin bərpası məqsədilə xüsusi nümayənlərimiz təyin olunub. İndiyə kimi onlar arasında 2 dəfə görüş keçirilib. Antalya Diplomatiya Forumunda Ermənistanın xarici işlər naziri Ararat Mirzoyanla görüşdüm. İki ölkə arasında dialoq davam edəcək”, - nazir vurğulayıb.