Türkiyə və Ukrayna dövlət başçıları İstanbuldakı görüşün nəticələrini müzakirə ediblər
Martın 31-də Türkiyə Prezidenti Rəcəb Tayyib Ərdoğan ilə Ukrayna Prezidenti Volodimir Zelenski arasında telefon danışığı olub.
NUHÇIXAN İnformasiya Agentliyi xəbər verir ki, bu barədə Türkiyə Prezidenti Administrasiyasının Kommunikasiya İdarəsindən bildirilib.
Danışıq zamanı Rəcəb Tayyib Ərdoğan Volodimir Zelenski ilə Rusiya Prezidenti Vladimir Putini bir araya gətirmək və bu görüşə Türkiyə olaraq ev sahibliyi etmək təklifini təkrarlayıb.
Türkiyə Prezidenti İstanbuldakı görüşün nəticələrinin müharibənin dayandırılması və sülhün bərqərar olması istiqamətində həyata keçirilən prosesə mənalı təkan verdiyini qeyd edib.
Volodimir Zelenski öz növbəsində Ukrayna və Rusiya nümayəndə heyətlərinin İstanbulda keçirilən görüşünə ev sahibliyi etdiyi üçün Rəcəb Tayyib Ərdoğana təşəkkürünü bildirib.