Türkiyənin Hərbi Dəniz Qüvvələri Komandanlığının “Mavi Vətən-2022” təlimləri başlayıb
Türkiyənin Hərbi Dəniz Qüvvələri Komandanlığı “Mavi Vətən-2022” təlimlərinə başlayıb. “Mavi Vətən-2022” Komandanlığın ən böyük təlimlərindən sayılır.
NUHÇIXAN İnformasiya Agentliyi xəbər verir ki, bununla bağlı ölkənin Kocaeli vilayətinin Gölcük bölgəsində Dəniz Qüvvələrinin Dəniz Döyüş Mərkəzi Komandanlığında mətbuat konfransı keçirilib.
Bildirilib ki, aprelin 21-dək Qara dəniz, Egey dənizi və Şərqi Aralıq dənizində keçiriləcək “Mavi Vətən-2022” təlimində Türkiyənin Hərbi Dəniz Qüvvələrinə aid 122 gəmi, 41 təyyarə və 12 min nəfər iştirak edəcək.
Konfransda çıxış edən təlimin rəhbəri, kontr-admiral Yusuf Akyüz təlimin əsas məqsədinin bölmələrin döyüş hazırlığının yüksək səviyyədə saxlanılması və hərbi qulluqçuların praktiki vərdişlərinin təkmilləşdirilməsi olduğunu bildirib.