İlon Mask “Optimus” robotunun istehsalına başlanacağını elan edib

İlon Mask “Tesla”nın 2023-cü ildə “Optimus”un - insanabənzər robotun istehsalına başlanacağını açıqlayıb.

NUHÇIXAN İnformasiya Agentliyi xarici saytlara istinadla xəbər verir ki, “Tesla” 2023-cü ildə ilk robotun istehsalına başlamalıdır. İlon Mask hesab edir ki, antropomorfik (insana xas olan xassə və xüsusiyyətlərin xarici təbiət qüvvələrinə və başqa varlıqlara aid edilməsi) robot yaratmaq layihəsi onun şirkəti üçün çox iddialıdır.

“Tesla”nın istehsal edəcəyi robotun hündürlüyü 1,7 metr, çəkisi isə təxminən 60 kiloqram olacaq.