Ermənistan Rusiya əleyhinə sanksiyalara qoşulub
Ermənistan bankları ABŞ-a Rusiya əleyhinə sanksiyaları dəstəkləyəcəyini vəd edib.
NUHÇIXAN İnformasiya Agentliyinin erməni KİV-lərinə istinadən məlumatına görə, bunu ABŞ-ın Ermənistandakı səfiri Linn Treysi deyib.
Qeyd olunur ki, təxminən bir ay əvvəl səfir Ermənistan banklarının rəhbərləri ilə görüş keçirib və Qərb sanksiyalarından yan keçərək Rusiyaya yardım etməməyə çağırıb.
"ABŞ Ermənistanın beynəlxalq sanksiyalara sadiqliyini alqışlayır və Ermənistanın bank sektorunun nümayəndələri ilə bu məsələ ilə bağlı müntəzəm təmasları dəstəkləyir", - səfir deyib.