“WhatsApp”a yeni funksiya əlavə edilib

“iPhone” smartfonları üçün “WhatsApp” messencerinin son versiyasında yeni funksiya əlavə edilib.

NUHÇIXAN İnformasiya Agentliyi xəbər verir ki, bu barədə “9to5Mac” portalı məlumat yayıb.

Bildirilib ki, artıq səsli qrup zənglərində eyni vaxtda 32-dək istifadəçi iştirak edə bilər.

Qeyd olunub ki, bu imkan iOS-un 22.8.80 versiyasında mümkündür. Yeniləmə, həmçinin tətbiqin təkmilləşdirilmiş interfeysini də əhatə edir.

Jurnalistlərin məlumatına görə, bu versiyaya yeni məxfilik parametri əlavə edilib. Belə ki, fotolarda “ürək” işarəsi ilə qeyd olunan sevimli media fayllara girişi bloklamaq imkanı yaradılıb. Portal vurğulayıb ki, messencerin öncəki təkmilləşdirmələrində olduğu kimi, bu funksiyaların bütün istifadəçilər üçün əlçatan olması bir həftə çəkə bilər.