Ermənistanda əsgər hərbçi yoldaşı tərəfindən güllələnib
NUHÇIXAN İnformasiya Agentliyi Ermənistan mətbuatına istinadən xəbər verir ki, Ermənistan ordusunun əsgəri hərbçi yoldaşı tərəfindən güllələnərək qətlə yetirilib.
Məlumata görə, hadisə dünən saat 19:20 radələrində baş verib. Belə ki, N saylı hərbi hissənin müddətli həqiqi hərbi xidmət qulluqçusu, 2002-ci il təvəllüdlü Samvel Sanoyan hərbçi yoldaşı tərəfindən güllələnib.
Sanoyan xəstəxanaya aparılarkən yolda ölüb.
Hadisənin başvermə şəraitinin müəyyənləşdirilməsi üçün araşdırma aparılır.