Müharibə başlayandan Ukraynada 219 uşaq həlak olub, 404 uşaq yaralanıb
Rusiya Ukraynaya qarşı müharibəyə başlayandan bəri 219 uşaq ölüb, 404 uşaq yaralanıb.
NUHÇIXAN İnformasiya Agentliyi xəbər verir ki, bu barədə ölkənin Baş Prokurorluğu məlumat yayıb.
"2022-ci il mayın 1-i səhər saatlarına olan məlumata görə, zərərçəkmiş uşaqların rəsmi sayı dəyişməyib - 219. Xəsarət alanların sayı artıb - 404", - məlumatda deyilir.
Uşaqların ən çox xəsarət aldığı yerlər açıqlanıb: Donetsk vilayətində - 139, Kiyevdə - 115, Xarkovda - 95, Çerniqovda - 68, Xersonda - 44, Nikolayevdə - 43, Luqanskda - 37, Zaporojyedə - 27, Sumıda - 17, Kiyevdə - 16, Jitomda - 15.
Qeyd olunur ki, aprelin 29-30-da Rusiya hərbçilərinin Donetsk vilayətinin Kramatorsk rayonunun Dobropillia, Drobışevo və Volnovaxski rayonunun Vremovka yaşayış məntəqələrini atəşə tutması nəticəsində 5 uşaq yaralanıb.