ABŞ Ukraynaya daha 5 min “Javelin” raketi verəcək
ABŞ-dan daha 5 000 tank əleyhinə “Javelin” raketi mayın 6-da, cümə gününə qədər Ukraynaya çatdırılacaq.
NUHÇIXAN İnformasiya Agentliyinin məlumatına görə, bunu Pentaqonun sözçüsü Con Kirbi brifinq zamanı açıqlamasında deyib.
Kirbi qeyd edib ki, “Javelin” raketləri Rusiya təcavüzünə qarşı mübarizədə hərbi yardım çərçivəsində Ukraynaya veriləcək.
Xatırladaq ki, ABŞ Müdafiə Nazirliyi Ukraynaya göndərilmək üçün M113 zirehli transportyorlarının yüklənməsinə başlayıb. Pentaqon avtomobillərin yük maşınlarının qoşqularına yüklənməsinin videosunu yayıb.
Pentaqon bildirib ki, yüklənmə Corciyada aparılır.