Ukrayna Prezidenti ilə BMT Baş katibi arasında telefon danışığı olub
Ukrayna Prezidenti Volodimir Zelenski ilə Birləşmiş Millətlər Təşkilatının Baş katibi Antonio Quterreş arasında telefon danışığı baş tutub.
NUHÇIXAN İnformasiya Agentliyi Əl-Cəzirə telekanalının saytına istinadla xəbər verir ki, Volodimir Zelenski Birləşmiş Millətlər Təşkilatının rəhbərindən Mariupolda yerləşən Azovstal zavodundakı yaralıların təxliyəsinin təşkili üçün kömək istəyib.
Həmçinin Ukrayna Prezidenti Antonio Quterreşə BMT və Qırmızı Xaç Komitəsinin rəhbərliyi ilə həyata keçirilən uğurlu təxliyə prosesinə görə minnətdarlığını bildirib.