İspaniya Ukraynanın əvəzinə “Avroviziya-2023”ə ev sahibliyi etməyi təklif edib
Ukrayna “Avroviziya-2023” mahnı müsabiqəsini keçirə bilməsə, İspaniya ev sahibliyi etməyə hazırdır.
NUHÇIXAN İnformasiya Agentliyi xəbər verir ki, müvafiq bəyanatla İspaniyanın dövlət teleradio və RTVE şirkətinin kommunikasiyalar üzrə direktoru Maria Eisaqirre çıxış edib.
“RTVE gələn il bu müsabiqənin təşkilində Ukraynaya hər cürə dəstək ola bilər və ehtiyac olarsa, biz növbəti “Avroviziya”ya ev sahibliyi etməyə hazırıq”,– deyə o bildirib.
Ukrayna İtaliyanın Turin şəhərinin ev sahibliyi etdiyi 66-cı “Avroviziya-2022” mahnı müsabiqəsinin qalibi olub. İkinci yeri Böyük Britaniya, üçüncü yeri isə İspaniya tutub.