Türkiyə yerli döyüş tankının seriyalı istehsalına başlayacaq
Türkiyə iki il ərzində yerli "ALTAY" döyüş tankının seriyalı istehsalına başlayacaq.
NUHÇIXAN İnformasiya Agentliyinin məlumatına görə, o da bildirilib ki, "ASELSAN" tərəfindən hazırlanan və həyati əhəmiyyətli tank mühafizə sistemlərindən biri olan yerli aktiv mühafizə sistemi (AKKOR) də "ALTAY" tankına inteqrasiya olunacaq. Bu sistem "Javelin" kimi tank əleyhinə raketlərə qarşı davamlıdır.
Tankın atəş məsafəsi 8 kilometrdir. Dörd nəfərlik ekipajla birlikdə tankın çəkisi 65 tondur.