Vladimir Putin MDB ölkələrinə KTMT-də müşahidəçi statusu verilməsini təklif edib
Rusiya Prezidenti Vladimir Putin MDB ölkələrinə Kollektiv Təhlükəsizlik Müqaviləsi Təşkilatında (KTMT) müşahidəçi statusu vermək təklifini irəli sürüb.
NUHÇIXAN İnformasiya Agentliyi xəbər verir ki, bu təkliflə V.Putin KTMT-nin Moskvada keçirilən sammitində çıxış edib. O bildirib ki, Şanxay Əməkdaşlıq Təşkilatı və MDB-yə üzv ölkələrlə qarşılıqlı fəaliyyəti artırmaq lazımdır. Bu baxımdan, MDB ölkələrinə KTMT-də müşahidəçi statusu verilməsini müzakirə etmək yerinə düşərdi.
Rusiya Prezidenti həmçinin KTMT liderlərinin görüş çərçivəsində birgə bəyanat imzalayacaqlarını qeyd edib.