NATO-nun Baş katibi: “İsveç və Finlandiya Türkiyənin tələblərini yerinə yetirməlidirlər”

NATO-nun Baş katibi Yens Stoltenberq bu il iyunun sonunda Madriddə keçiriləcək NATO sammitinə qədər Finlandiya və İsveçin alyansa qoşulması üçün təşkilata üzv dövlətlərin razılığa gəlinəcəyinə ümid edir.

NUHÇIXAN İnformasiya Agentliyi xəbər verir ki, bu barədə İspaniyanın “Cadena SER” radiostansiyası məlumat yayıb.

“Müttəfiq məsələ qaldıranda onu həll etmək lazımdır. Həmişə belə olub”, - o vurğulayıb.

Baş katib xatırladıb ki, heç bir ölkə Türkiyə qədər terror hücumlarına məruz qalmayıb: “Siz kürdlərdən danışırsınız, amma etiraf etməlisiniz ki, bir neçə kürd qruplaşması var və PKK Avropa İttifaqı, yəni İsveç və Finlandiyanın terror təşkilatları siyahısındadır”.

Radiostansiyanın məlumatına görə, Finlandiya və İsveç Madriddə keçiriləcək NATO sammitində qonaq qismində iştirak edə biləcəklər, lakin iyunun 28-dək Türkiyənin tələblərinə cavab verməsələr, Alyansa üzv olmaq üçün namizəd ölkələr kimi orada öz planlarını gerçəkləşdimələri çətin olacaq.

Bizim Telegram kanalımıza abunə olun