Petro Poroşenko üçüncü cəhddə Ukraynadan çıxa bilib
Ukraynanın sabiq prezidenti Petro Poroşenko üçüncü cəhddə ölkədən çıxa bilib.
NUHÇIXAN İnformasiya Agentliyi Ukrinform agentliyinə istinadla xəbər verir ki, Poroşenko Avropa xalq partiyasının sammitində iştirak etmək üçün Rotterdama yola düşüb.
Sabiq prezident bundan əvvəl ölkədən çıxmağa iki dəfə cəhd göstərmişdi. Ali Radanın rəsmi nümayəndə heyətinin üzvü kimi NATO Parlament Assambleyasında iştirak etmək məqsədilə mayın 27-də və 28-də sərhəd-buraxılış məntəqəsinə gələn sabiq prezidenti sərhədçilər geri qaytarmışdılar.
Bu gün səhər Petro Poroşenko ölkədən çıxmasına yardım göstərilməsi xahişi ilə Prezident Volodimir Zelenskiyə müraciət edib və gedişinin məqsədini açıqlayıb. Yalnız bundan sonra onun Polşa ilə sərhədi keçməsinə icazə verilib.