İrəvan hava limanı minalanıb
Ermənistanın paytaxtı İrəvandakı Zvartnots hava limanı naməlum şəxslər tərəfindən minalanıb.
NUHÇIXAN İnformasiya Agentliyi “Sputnik Armeniya”ya istinadən xəbər verir ki, bu barədə Fövqəladə Hallar Nazirliyinə zəng daxil olub.
Bildirilib ki, hadisə yerinə istehkamçılar, yanğınsöndürənlər, böhrana cavab mərkəzinin operativ qrupu cəlb olunub.
Qeyd edək ki, Rusiyanın xarici işlər naziri Sergey Lavrovun təyyarəsi bir neçə dəqiqə öncə hava limanına eniş edib.