Türkiyə Prezidenti: Gələn il keçiriləcək seçkilərdə Cümhur İttifaqının namizədi Rəcəb Tayyib Ərdoğandır

Türkiyədə Prezident seçkiləri gələn il iyunun ortalarında keçiriləcək. Cümhur İttifaqının namizədi Rəcəb Tayyib Ərdoğandır.

NUHÇIXAN İnformasiya Agentliyi xəbər verir ki, bu fikirləri Türkiyə Prezidenti Rəcəb Tayyib Ərdoğan rəhbərlik etdiyi Ədalət və İnkişaf Partiyasının (AK Parti) İzmirdə keçirilən toplantısında səsləndirib.

Türkiyə Prezidenti vurğulayıb: “Hər zaman dediyim kimi, biz kimin nə dediyinə və nə etdiyinə deyil, öz işimizə baxırıq. Bizim işimiz ölkəmiz üçün əsər yaratmaq, millətimizə xidmət etməkdir. Türkiyənin 81 vilayətinin hər qarışını və 85 milyon vətəndaşımızın həyatını müsbət istiqamətdə dəyişməyə və inkişaf etdirməyə davam edirik”.