Ermənistanda televiziya rəhbəri saxlanılıb
Mülki geyimli dörd nəfər naməlum şəxs “Yerkir Media” teleşirkətinin direktoru Baqrat Yesayanın ofisinə gələrək heç bir izahat vermədən onu naməlum istiqamətə aparıb.
NUHÇIXAN İnformasiya Agentliyi Ermənistan mediasına istinadla bildirir ki, bunu Baqrat Yeseyanın vəkili Vahe Yeprikyan bildirib.
Vəkilin sözlərinə görə, televiziya əməkdaşlarının axtarışından sonra Yeseyanın milli təhlükəsizlik xidmətinə aparıldığı məlum olub.
Təqsirləndirilən şəxsin vəkili müvəkkilinə qarşı iki il əvvəl cinayət işi açıldığını, lakin indiyədək hüquq-mühafizə orqanları tərəfindən harasa dəvət edilmədiyini, baş verən insidentin Baqrat Yeseyanın peşə və ictimai fəaliyyəti ilə əlaqədar olduğunu deyib.