Ukrayna hərbçiləri Donetsk vilayətinin 3 kəndini azad edib
“Ukrayna Silahlı Qüvvələri Donetsk vilayətinin 3 kəndini Rusiya qoşunlarından azad edərək cəbhə xəttində 15 km irəliləyiblər”.
NUHÇIXAN İnformasiya Agentliyi UNN-a istinadən xəbər verir ki, bu barədə Ukrayna Birləşmiş Qüvvələrinin Qruplaşması bildirib.
“Düşmən artilleriyası bir dəqiqə də susmur. Onların üstünlüyü cəzasız qalmır. Bizim hər cavabımız işğalçıya itki bahasına başa gəlir”, -məlumatda qeyd olunub.
Bildirilib ki, Ukrayna Silahlı Qüvvələri təkcə müdafiə olunmur, həm də tədricən irəliləyirlər: “Donetsk vilayətində 3 kənd azad edilib, cəbhə bölgəsində 15 km irəliləmişik”.
Məlumata əsasən, Ukrayna müdafiəçiləri Rusiya qoşunlarının hərbi texnikasını da məhv edib.