Macarıstanda yeni avtomobil nömrələrində ölkənin gerbi də təsvir olunacaq

İyulun əvvəlindən Macarıstanda avtomobil nömrələri bəzi dəyişikliklərə məruz qalacaq. Yeni nömrələrə daha bir hərf artırılacaq.

NUHÇIXAN İnformasiya Agentliyi gündəlik hökumət mənbələrinə istinadla xəbər verir ki, ölkənin Nazirlər Kabineti macar avtomobillərinin yeni nömrələrinin iki sait və ya iki samitdən ibarət olacağını, bundan sonra Macarıstanın gerbinin, sonra daha iki hərf və sonunda üç rəqəmin olacağını açıqlayıb.

Bununla belə, hazırda istifadə olunan köhnə nömrələri yeni nömrə nişanları ilə yeniləmək lazım olmayacaq. Avropa İttifaqının on iki ulduzu və sol tərəfdən göy fonda ağ rəngdə "H" latın hərfi (Hungary) ilə yanaşı, yeni nömrə nişanlarında macar gerbi də təsvir olunacaq.

Xatırladaq ki, bu günə qədər Macarıstanda standart avtomobil nömrələri üç hərf və üç rəqəmdən ibarət təsadüfi bir dəsti ehtiva edirdi. 1300 avro məbləğində rüsum ödəməklə istənilən sərbəst nömrə sifariş etmək mümkündür, lakin nişanların sayı altıya bərabər olmalıdır. Nömrənin yazılışında isə ən azı bir hərf və bir rəqəm olmalıdır.